The Truman show

 Durante varios días estivemos a ver na clase de TIC a película El show de Truman así que neste post  vou falar dela.

Persoalmente, pareceume unha película divertida.Non lle atopo ningún punto negativo, máis ben o contrario, pois foi moi entretida de ver e cunha reflexión moi interesante, que curiosamente é tomada do mito da caverna de Platón.

Penso que se se fixese un show coma este na realidade sería visto por moita xente xa que ao contar a vida de alguén dende o se nacemento a xente tería curiosidade por ver a evolución e o que lle pasa no día a día ao personaxe. Ademais, sería algo novedoso e iso atraería a atención do público. No entanto, na miña opinión tamén sería algo polémico pois habería moita xente que criticaría a restrición de liberdade en contra da súa vontade da persoa que fose elixida para facer este experimento.

Dende o meu punto de vista á audiencia gústalle o que ve, ou simplemente non busca outra opción, é dicir, ten unha actitude pasiva. Pero tamén penso que actualmente a xente, sobretodo xove, comeza a decidir máis o que quere ver xa que atopan outras opcións diferentes á televisión coma por exemplo Twitch onde, ao ter máis variedade, céntranse máis nos seus gustos.

Relacionado con isto, a frase do director: "Aceptamos a realidade tal e como nola contan" exemplifica a realidade que vivimos pois moita da información que nos contan é manipulada ou son fake news e a actitude que tomamos ante isto normalmente é aceptalo e non indagar en saber se algo é verdade ou non.

Aínda que é unha película moi famosa, se non a coñecedes e queredes saber algo máis dela premede aquí para obter máis información.