Ruta polo Casco Vello

 Ola! Hoxe vou compartir convosco a saída que fixemos o outro día no instituto. Trátase dunha ruta polo Casco Vello que parte dende Praza América. Nela puidemos descubrir parte da historia de Vigo pasando por algúns puntos principais. O máis destacado foi a visita ao Castro, ao Castelo de San Sebastián e unha visita á zona do Náutico onde observamos os monumentos en honra á emigración e a guerra de Cuba, ademais do cable inglés.

Esta excursión pareceume interesante en puntos como o do Náutico e o Castro porque puidemos coñecer a historia e o que se facía no pasado na nosa cidade, que pola miña parte, descoñecía. 

Se estades interesados en coñecer máis sobre a historia de Vigo déixovos aquí un libro que nos recomendou o noso profesor e onde seguro que aprendedes moitas cousas interesantes.